Astma dhe bronkiti janë sëmundje afatgjata që karakterizohen me pezmatim dhe ngushtim të rrugëve të ajrit, me ç'rast vështirësohet marrja dhe nxjerrja e frymës nga mushkëritë. I prekin të gjitha moshat — edhe pse astma më shpesh fillon në fëmijëri, ajo për herë të parë mund të paraqitet edhe te të rriturit.
Simptomat kryesore
Simptomat kryesore të astmës janë: fishkëllimat gjatë frymëmarrjes, frymëzënia (ndjesia e mosngopjes me ajër), shtrëngimi i gjoksit dhe kolla e gjatë.
Si trajtohen
Astma dhe bronkiti zakonisht trajtohen përmes marrjes së barnave me rrugë frymëmarrjeje — në formë të inhalimit me nebulizator (aparat inhalimi), sprej apo pompa inhalatore. Në disa raste të rënda kërkohet të përdoren edhe barnat në formë të tabletave apo ampulave.
Në rast se shkak i astmës është alergjia, atëherë jepen barna edhe kundër alergjisë (në formë të tabletave).
A mund të kontrollohet astma?
Simptomat e astmës zakonisht mund të kontrollohen me trajtim adekuat. Shumica e personave me astmë zhvillojnë jetë normale dhe aktive; megjithatë, disa persona me astmë të rëndë mund të kenë probleme të vazhdueshme.
Specialist i Mjekësisë Interne dhe Pulmologjisë · Ligjërues në Fakultetin e Mjekësisë të UP-së · Poliklinika Avicena, Prishtinë
